كل رؤساء مصر بعد الملك فاروق خريجى سجون ؟!

معلومات موثقة ومعروفة على الماشى:

- السادات هرب من السجن..وكان مشارك فى جريمة قتل عمد...قبل ثورة يوليو..
- عبد الناصر كان سارق سلاح من الجيش قبل ثورة يوليو..
- مبارك مسجون على ذمة جنايات مخلة بالشرف وليس معتقلا سياسيا...
_ الرئيس محمد نجيب تم اعتقاله و تحديد اقامته بسبب اختلاف سياسى
_ مرسى تم اعتقاله ليلة 28 يناير خلال أحداث ثورة 25 يناير

بالمناسبة اللى هربوا من السجون فى ثورة 25 يناير نوعين..
مجرمين جنائيين..ومعتقلين سياسيين..

المفروض يعنى بمقاييس الشرف..وأحلى من الشرف مافيش...ان تهريب المعتقلين السياسيين ده عمل بطولى...

وعلى فكرة...اذا افترضنا جدلا ان حماس شاركت فيه..فهذا يزيد المسألة بطولة بمقاييس المصريين بتوع زمان..مقاييس سليمان الحلبى وجول جمال وأحمد عبد العزيز والأبطال المصريين اللى بيستشهدوا فى سوريا دلوقتى..أيام لما كان تحالف العرب ضد الظالم المستبد بيحتفى بيه..بمقاييس الوحدة العربية حتى..بلاش بمقاييس الدين..مادام مش عاجبكم الدين...

هو القاضى اللى بيحقق فى هروب مرسى من السجن عايز يوصل لإيه بالظبط ؟
ان حماس هى اللى هربته ؟ وبعدين..ايه التهمة وايه الحكم ؟
ان حماس اتصلت بالإخوان وشاركوا فى الثورة ؟ وبعدين...ايه التهمة وايه الحكم ؟
ان مرسى يرجع المعتقل تانى ؟ بتهمة ايه ؟ هو دخل السجن ليه أصلا ..؟؟

المصيبة بقى ان الجنائيين اللى هربوا..لحد دلوقتى لا اتمسكوا..ولا اتحاكم اللى هربهم...رغم ان دى جريمة بشعة فى كل الأعراف والقوانين والأخلاق سواء فى حالة النظام العادى أو فى حالة الثورة...دى جريمة لا تقل إن لم تكن تزيد عن جريمة قتل المتظاهرين...

والمصيبة الأكبر ان فيه اعترافات موثقة ان قيادات الشرطة هى اللى هربتهم...

شارك شارك شارك

عن: غير معرف

تعريف الكاتب:هذا النص هو مثال لنص يمكن أن يستبدل في نفس المساحة، لقد تم توليد هذا النص من مولد النص العربى، حيث يمكنك أن تولد مثل هذا النص أو العديد من النصوص الأخرى إضافة إلى زيادة عدد الحروف التى يولدها التطبيق، إذا كنت تحتاج إلى عدد أكبر من الفقرات يتيح لك مولد النص العربى زيادة عدد الفقرات كما تريد، النص لن يبدو مقسما ولا يحوي أخطاء لغوية، مولد النص العربى مفيد لمصممي المواقع على وجه الخصوص